Presse

Kalaallit inuusuttuarartaasa inuuniarnermi ajornartorsiutit iliuuseqarfigi-neqarnissaat kissaatigaat

Del

Inuuniarnermi ajornartorsiutit iliuuseqarfigineqassapput assersuutigalugu inuusuttuaqqat angajoqqaallu aalakoornartumik ikiaroornartumillu atuinerat pillugu aammalu kinguaassiutitigut kanngutsaatsuliorfiginnittarnerit pillugit. Taama isumaqarput ingerlatami NAKUUSA-mi peqataasut kalaallit inuusuttuaqqat amerlanerussuteqartut.

Ingerlatami siunertarineqarpoq inuit naliginnaasut - aamma inuusuttuaqqat – imminnut allallu inuuniarnerannut akisussaaffimmik tigusinerunissaannik suliniuteqarniarneq. Inuusuttuaqqat 373-it 13-iniik 15-inut ukiullit illoqarfinneersut aammalu nunaqarfinneersut Kalaallit Nunaata kommuuniinit sisamaasunit aggersut ingerlatami inuuniarnermi ajornartorsiutit pillugit ilisimasaannik aammalu isummertariaasaannik apersorneqarput.

Iliuuseqarnissaq ujartorneqarpoq

Misissuinerup takutippaa, inuusuttuaqqat amerlanerit isumaqartut, inuusuttuaqqat angajoqqaajusullu ernguttarnerat, ikiaroortarnerat, kinguaassiutitigut atornerlunneqartarneq aammalu pinerluttarnerit inuuniarnermi ajornartorsiutaasut.

Inuusuttuaqqat 80 %-ii isumaqarput, inuusuttuaqqat angajoqqaajusullu aalakoornartumik ikiaroornartumillu atuinerujussuat millisinniarlugu iliuuseqartoqartariaqartoq. Niviarsissat sisamaagaangata pingasut aammalu nu-kappissat affaat isumaqarputtaaq, kinguaassiutitigut atornerluisarnerpassuit iliuuseqarfigisariaqartut. Pineqartut pillugit inuusuttuaqqat allannguinissamut iliuuseqartoqarnissaanut kissaateqarnerat taamaattumik annertuvoq.

Ilisimasat malinnaaffiginerulernissaat

Taamaakkaluartorli nalunaarusiaq malillugu inuusuttuaqqat inuuniarnermi ajornartorsiutit pillugit ilisimasakitsuararsuupput – siullermik ajornartorsiutinut maleruaqqusat naapertorlugit isummeqqaartarput, soorlu oqarlutik imertarneq ajortuusoq.

Fakta

publikation Kalaallit inuiaqatigiivini inuusuttuaqqat.
Forfattere Else Christensen
Emner Børn og unge, Udsatte grupper, Udsatte børn og unge, Udsatte børn og unge
Forskningsemne Børn, unge og familie

Søg på sfi.dk