Presse

Kalaallit nunaanni Iuusuttut: inuiaqatigiinni ajornartorsiutit inuup nammineq akisussaaffigai

Del

Inuiaqatigiinni ajornartorsiutinut akisussaaffik inunni ataasiakkaaniippoq Kalaallit Nunaata inuiaqatigiiviniunngitsoq. Inuusuttut taamatut isumaqarput, NAKUUSAp suliniutaanut peqataasimasuni. Inuusuttut paasitinneqartariaqarput politikkikkut aaqqissuusseqqinnerit allannguisinnaanerinnik, taama SFI-mi ilisimatooq isumaqarpoq.

NAKUUSA, 2011-miilli meeqqat inuusuttullu atugaannik pitsannguiniarnermik suli-aqalersimasoq SFI’p malinnaaffigaa. Nalunaarusiap SFI-meersup nutaap allasserivaa, inuusuttut 37-t Kalaallit Nunaanni inuttut ajornartorsiutit periarfissallu pillugit ilisimasaat isumaallu.

2011-miit 2013-mut ineriartornerat

Inuusuttut ikinnerussuteqartut isumaqarput inuiaqatigiinni ajornartorsiutinut iliuuseqarnissamut akisussaaffik naalakkersuisuniittoq/inatsisartuniittoq kommu-nellu politikeriniittoq. 2011-mi inuusuttut isumaqarput politiit iliuuseqarnissamut akisussaaffimmik annertuumik tigumminnittut, 2013-mili isumaqarput inuusuttut nammineerlutik akisussaaqataasuullutik allanngortitsinissamut. Tarnip pissusaanik ilisimasallit, atuarfik, naalakkersuisoqarfinni kiisalu kommuneni atorfillit minnerunngitsumillu angajoqqaat aamma akisussaaffimmik annertuumik tigummiarnerannik tikkuarneqarput.

Allannguinissamut periarfissat eqqumaffigineqarnerulerlik

Inuiaqatigiinni ajornartorsiutinik aaqqiinissamut periarfissat pillugit inuusuttut paasitinneqartariaqarput, ilisimatooq Else Christensen taama isumaqarpoq, nalunaarusiamut allattuusimasoq. ”Misissuinerup inerneri mianersorluni nalilissagaanni oqartoqarsinnaavoq, inuusuttut paasitinneqartariaqartut inuiaqatigiit inuinnaallu ataasiakkaat qanoq ataqatigiinnermigut ajornartorsiutit pilersinneqartarnersut kiisalu qanoq iluarsineqarsinnaanerannik. Atuarfinni eqqartorneqartarsinnaapput paasitinneqarlunilu politikkikkut aaqqissuusseqqinnerit kiisalu aaliangiisarnerit inuiaqatigiinni ajornartorsiutit iluarsineqarsinnaasartut”, taama oqarpoq Else Christensen. NAKUUSA Ilaqutariinnermut Inatsisinillu Atuutsitsinermut Naalakkersuisoqarfiup UNICEF Danmarkillu suleqatigiissutigaat. SFI nalunaarusianik sisamanik saqqum-mersitsissooq NAKUUSAp suliaanik tunngasunik, unalu nalunaarusiaq pingajuuvoq. Nalunaarusiaq kalaallisut aamma saqqummissooq. 

Fakta

publikation 2 år efter starten på Nakuusa
Forfattere Else Christensen
Emner Børn og unge, Udsatte grupper, Udsatte børn og unge, Udsatte børn og unge
Forskningsemne Børn, unge og familie

Søg på sfi.dk