Presse

Kinguaassiuutitigut innarliinerit ajoquseerujussuartarput

Del

Kinguaassiuutitigut innarlerneqartarneq aamma inuusuttut inuunerminnik naammagisimaarinnippallaannginnerat aammalu imigassamik ikiaroornartumillu atuivallaartarnerat erseqqissumik imminut ataqatigiipput. Tamanna takutinneqarpoq kalaallit inuusuttut pillugit SFI-p nalunaarusiaani, nalunaarusiarlu taanna kinguaassiuutitigut atornerlugaasarneq pitsaaliorniarlugu suliniuteqarnisamut atorluarsinnaavoq.

Kalaallit Nunaanni sivisuumik ilisimaneqarsimavoq inuppassuit meeraanerminni kinguaassiuutitigut innarligaasimasut. Ukiuni kingulliunerusuni arlalitsigut katsors-aasoqartarpoq pinaveersaartitsiniarlunilu suliniuteqartoqartarluni - kingullertigut kinguaassiuutitigut innarligaasimanertik pissutigalugu kingunerlutitsisunik katsors-aasartut illoqarfinni assigiinngitsuni katsorsaajartorlutik angalatinneqartalerput. Taamaattumik Namminersorlutik Oqartussani Ilaqutariinnermut Inatsinillu Atuutsitsinermut Naalakkersuisoqarfiup misissuineq manna noqqaassutigisimavaa, siunissaq ungasinnerusoq isigalugu kinguaassiuutitigut atornerlugaanerup taakkununnga qanoq sunniuteqartarnera pillugu ilisimasaqarnerulernissaq kissaatigalugu, taamaaliornikkut pitsaaliuiniarluni suliaqarnermik nukittorsaanissaq siunertaralugu. 


Inuusuttut nuanniilliortut

Misissuinerup takutippaa meeqqat kinguaassiuutitigut innarligaasimasut atorumi-naatsumik inuuneqartut. Meeraanermi kinguaassiuutitigut innarligaasimaneq siusissukkullu annertuumik imigassartortalersimanerup ikiaroortalersimanerullu aammalu pitsaanngitsumik imminut paasinnittaaseqarnerup aqaqatigiinnerat ersarippoq. Tamanna arnani taamatuttaaq aamma angutini atuuppoq. Taavalu aamma arnat inuusuttut kinguaassiuutitigut inarligaasimasut meeqqat atuarfiat naammassigaangamikku ilinniakkamik aallartitsisarnerat qaqutigoortarluni inuusuttuullutillu naartulertarnerat atuunnerusarluni.


Kinguaassiuutitigut akuleriinnik misilittagaqarneq

Kalaallit inuusuttut pingasuugaangata ataatsip siullermik kinguaassiuutitigut alla-mik atoqateqarnissani namminneq kissaatigisimanngilaa. Arnat tallimaagaangata ataatsip angutillu quliugaangata ataatsip toqqaannartumik akissutigaat, kinguaassiuutitigut pisoqarnissaa inuup allap aalajangigarisimagaa.

”Kalaallit Nunaata inuusuttut ilarpassuinut tunngatillugu ajornartorsiuteqarnera aammalu inuusuttorpassuit kinguaassiuutitigut innarligaasimaneri imminnut ata-qatigiipput. Taamaalilluni kinguaassiuutitigut atornerlugaasarnerup pitsaaliornissaa qitiutillugu suliniuteqarnissamut peqqutissaqarluarpoq,” taama oqarpoq seniorforsker Else Christensen, seniorforsker Siddhartha Baviskar suleqatigalugu misissuisimasoq. 

Fakta

publikation Kalaallit nunaanni inuusuttut
Forfattere Else Christensen, Siddhartha Baviskar
Emner Børn og unge, Udsatte grupper, Udsatte børn og unge, Udsatte børn og unge
Forskningsemne Børn, unge og familie

Søg på sfi.dk